Құрметті ата-аналар, заңды өкілдері! Уважаемые родители, законные представители!

Құрметті ата-аналар, заңды өкілдері!
«Орта білім беру ұйымдары үшін міндетті мектеп формасына қойылатын талаптарды бекіту туралы» Қазақстан Республикасы Білім және ғылым министрінің 2016 жылғы 14 қаңтардағы № 26 бұйрығына сәйкес, Федоров ауданы білім беру ұйымдарында міндетті мектеп формасына қойылатын келесі талаптар:
• Мектеп формасының түсі қою көк.
• Мектеп формасының стилі классикалық стильде сақталады.
Ұлдардың мектеп формасы:
пиджак, жилет, шалбар, мерекелік жейде, күнделікті жейде (қысқы мезгілде: трикотаж жилет, водолазка). Ұлдарға арналған шалбарлар еркін тігілген және ұзындығы бойынша тобықты жауып тұрады. Ұсынылатын минимум: жейде, кеудеше және шалбар.
Қыздардың мектеп формасы:
пиджак, жилет, юбка, шалбар, классикалық жейде (қысқы уақытта: трикотаж жилет, сарафан, водолазка). Қыздарға арналған шалбарлар еркін тігілген және ұзындығы бойынша тобықты жауып тұрады, юбкасының ұзындығы тізеден 5 сантиметрден аспайды.
• Мектеп формасына түрлі діни конфессияларға қатысты киім элементтерін қосуға болмайды.
• Мектеп формасына орта білім беру ұйымының ерекшелік белгілерін (белгілер, тігіспелер және т.б.) салуға болады. Олар киімнің немесе аксессуардың (пиджак, жилет, галстук) жоғарғы бөлігінде орналасады. Белгілердің эскизін мектептен алуға немесе мектеп веб-сайтынан жүктеп алуға болады.
• Мектеп формасына қойылатын талаптар бойынша жарақаттайтын фурнитурасы бар киім мен аксессуарлар киюге тыйым салынады.
• Мектеп формасының матасы ретінде қасиеттері жақсартылған жартылай жүн және мақта, киіске төзімді, антибактериалдық, антимикробтық және антистатикалық қасиеттері бар маталар қолданылады.